Davao De Oro Province-Gisugdan na karon paghatag sa ilang financial assistance nga tag P5, 000 ang kada usa sa mokabat 2,694 ka mga target beneficiaries o mag-uuma sa humay sa probinsiya sa Davao De Oro ubos sa program sa “Rice Farmers Financial Assistance (RFFA)” pinaagi sa Department of Agriculture (DA) ug sa Land Bank of the Philippines (LBP).

1st Batch matud nila Provincial Rice Program Coordinator Mary Jane Haom sa PAGRO DDO ug Jacinto Macoy sa DA Regional Office XI, ang 1,231 ka mga rice farmers sa Davao De Oro nga ang paghatag sa ilang ATM Card nahitabo diha sa Land Bank Nabunturan Branch niadtong Abril 15, 2020 ug pagahumanon ang paghatah karong bulana.

Tungod Financial Grant dili mobayad niini ang mga Rice Farmers nga matud sa mga sakop ni PAGRO Chief Minda Agarano, ang pagahatagan mao kadtong mga Rice Farmers sa Davao De Oro nga ang ilang basakan naa ra sa duha ka ektarya paubos.

Sa pagkakaron, ginaatiman pa sa probinsya ang pagproseso sa mga papeles niadtong mga nahabilin nga maoy sunod nga paghatagan human makompleto paghatag ang mga naapil sa 1st Batch.

Ang probinsya matud ni Gov. Tyron Uy maoy nag tabang sa mga munisipyo ug National nga gobyerno nga makuha ang hustong impormasyon ug maila kadtong mga katawhan sa Davao De Oro nga angayang hatagan sa Social Amelioration ug uban pang hinabang sa gobyerno aron mo arang-arang ang kahimtang sa ilang pamuyo luyo sa gipatumang lockdown ug community quarantine. (Gilbert M. Cabahug PAO-ID DDO)

Related Post