“300 IPs” tukoran og libreng Pabahay sa NHA

Davao De Oro Province–-Mag partner karon ang local government unit sa Davao de Oro (DDO), National Housing Authority (NHA), ug ang National Commission on Indigenous People (NCIP) aron tukoron ang libreng Pabahay para sa unang 300 ka mga IPs sa tulo ka mga lungsod sa Davao De Oro Province nga maoy unod sa tulo ka mga Memorandum of Agreements (MOA) nga naaprobahan bag-o lang sa Sangguniang Panlalawigan 9SP) sa DDO sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

Segon sa mga naaprobahang MOA pagatukoran og IP Housing Projects sa NHA nga dunay 100 ka mga Housing Units ang mga tribung Mandaya, Manobo, Dibabawon, ug Mangguwangan diha sa Brgy. Awao, Monkayo; ang mga tribung Dibabawon ug Mangguwangan diha sa Brgy.Prosperidad, Montevista; ug ang mga tribung Mandaya ug Mansaka diha sa Brgy.Pagsabangan, New Bataan nga pulos sakop sa Davao De Oro Province.

Nasabotan sa naaprobahang MOA ang pagtukod sa 100 Housing Units diha sa 25 ka ektaryang portion sa yutang kabilin nga sakop sa  Ancestral Domain Titles (CADTs) sa IP Community nga gihatag kanila sa Gobyerno pinaagi sa NCIP, ug ang Construction dumalahaon mismo ni Gov. Jayvee Tyron Uy nga gihatagan na sad sa SP DDO sa Authority nga mopirma sa kasabotan.

Ang pagtukod og libreng Pabahay sa mga IPs apil sa mga labing importanteng gitutokan ni Board Member Albert Camana pipila ka bulan human sa iyang paglingkod isip Provincial IP Mandatory  Representative (Provincial IP MR) sa tuyo nga mosaka sa taas nga lebel ang kahimtang sa pamuyo sa mga IPs pinaagi sa pagtukod kanila sa usa ka desenteng pinuy-anan.(Gilbert M. Cabahug PAO-ID DDO)

Related Post