8-bed capacity nga Bahay Pangarap, abre na sunod semana

Sa padayung lakang nga ma protektahan ang mga babaeng biktima sa pagpangabuso, gipahigayon ang soft opening sa temporaryo nga “De Oro Bahay Pangarap Home for Women and Girls” nga nahimutang sa Old Women’s Center, Provincial Capitol Complex, niadtong Hunyo 13 ning tuiga.

Usa kini ka 8-bed capacity nga pasilidad ug laumang mag abre na sunod semana para sa pag-okupar niini. Naglangkob usab kini sa counseling room, dormitory, stock room, kitchen, ug comfort room arun mahatagan ang maong mga biktima sa saktong pag amuma sama sa protective custody, counselling, psychosocial services ug mahilayo sila sa unsang klase pa nga mga pagpangabuso.

Samtang, gi-site visit usab ang padayung konstruksyon sa permanente nga Bahay Pangarap nga nahimutang sa Purok 1, Brgy. Cabidianan, Nabunturan sa may likod nga bahin sa Cabidianan High School. Ang permanente nga 20-bed capacity nga pasilidad gilauman nga mahuman ang konstruksyon karung tuiga arun magamit na kini sunod tuig.

Ang pagpatukod usab sa maong pasilidad kabahin sa mando sa Department of Social Welfare and Developement Office (DSWD) ug sa Social Protection and Intervention Program-Residential Care Facilities Project sa Provincial Social Welfare and Development Office (PSWDO).

Dugang pa, gipahigayon usab ang LCAT-VAWC ug PCPC Meetings alang sa dugang diskusyon kalabot sa pagpalambo ingon man matubag ang seryoso nga panginahanglan sa gender based issues sa probinsya.

Sa maong meeting, gihatagan ug pasidungog sa DOJ IACAT XI si Governor Dorothy Montejo-Gonzaga human nahatagan og kalampusan ang padayung pag-implementar sa mga programa nga maghatag pagproteksyon sa kababayen-an ug kabataan.

Anaa sa maong aktibidad ug mipadangat sa ilang supporta sila Provincial Administrator Fatima Montejo, Regional Prosecutor Janet Grace Fabrero, Provincial Prosecutor Linalou Veloso, PSWDO head Josephine Frasco, personahe sa nagkadaiyang NGAs, LGUs ug panggamhanang probinsyal. (JF, Photos by J. Delgado)