Senator Go, nanguna sa groundbreaking ceremony sa Super Health Center sa Mawab, DdO

Sa pagpanguna ni Senator Christopher Lawrence ‘Bong’ Go, gipahigayon karung adlawa Marso 17, 2023 ang ground-breaking ceremony sa Super Health Center (SHC) nga pagatukoron mismo sa Municipal Hall Grounds sa lungsod sa Mawab.

Ang SHC usa ka medium type nga bersyon sa polyclinic ug improved version usab kini sa rural health unit. Matud sa Senador nga ang maong balay tambalanan maghatud sa nagkalin-laing serbisyong panglawas o medikal sama sa laboratory, birthing, diagnostic, dental services ug uban pa ilabina sa mga hilit nga lugar.

Lakip nga mihatag sa suporta sa maong kalihokan sila Governor Dorothy Montejo-Gonzaga, Congressman Ruwel Peter Gonzaga, Mayor Ruperto Gonzaga III kauban ang municpal ug barangay officials.

Gipahigayon usab ang pagdistribute sa pinansyal nga assistance sa 500 indigents sa maong lungsod, kini ubos sa Assistance to Individuals in Crisis Situation (AICS) program sa Department of Social Welfare and Development (DSWD).

Sa tuig 2022 aduna nay 307 ka mga SHCs ang opisyal nga gisugdan og pagpatukod sa nasud ilalom sa inisyatibo ni Senador Go ug malampuson usab niyang gipasiugda ang pagpondo para sa dugang mga SHC ubos sa 2023 heath budget. (J. Fernandez, Photos by R. Naval)