SEND-OFF CEREMONY, ALANG SA MAS LUWAS NGA BSK ELEKSYON

Anaa sa 624 ka mga personahe gikan sa nagkadaiyang law enforcement agencies sa probinsya ang nagtigom atul sa Send-Off Ceremony mismo sa Davao de Oro Police Provincial Office (DDOPPO) karung adlawa, Oktubre 26.

Gilangkuban kini sa Philippine National Police (PNP), Armed Forces of the Philippines (AFP), Bureau of Fire Protection (BFP) ug Philippine Coast Guard (PCG) diin ipadala kini sila sa mga kuminidad isip pagpangandam sa muabotay nga Barangay and Sangguniang Kabataan Election (BSKE) 2023.

Ang maong akbibidad gipangunahan ni PCOL BENEDICTO F FACO, DDOPPO Provincial Director ug sa mga kaalyadong pwersa diin parte kini sa lakang sa maong mga ahensya nga nagtumong sa usa ka luwas ug han-ay nga pagbotar sa mga katawhan karung Oktubre 30 ning tuiga.

Ang gipakitang pagtinabangay, piaagi sa pagmuntar sa daghang pwersa, usa sa mga pamaagi sa panggobyerno arun masiguro ang seguridad sa katawhan ingon man mapugngan ang bisan unsang klase sa kagubot kalabot sa eleksyon. (Photos by DDOPPO)