11 PLGU Responders sa Brgy. Mt. Diwata (Diwalwal) Landslide, girekognisa

Anaa sa onse (11) ka responders kon membro sa Search, Rescue and Retrieval (SRR) operations team sa Provincial Disaster Risk Reduction and Management Office (PDRRMO) sa pagpangulo ni PG Head Joseph Randy Loy ang girekognisa ni Governor Dorothy Montejo-Gonzaga alang sa ilang maabtikong aksyon sa nahitabong pagdahili sa yuta sa Brgy. Mount Diwata (Diwalwal), Monkayo nga mikalas og 11 ka kinabuhi.

Gibutyag sa PDRRMO nga mikabat lamang sa 2 hangtud 3 ka adlaw (Enero 18-20) ang gipahitabong retrival operations sa mga biktima.

Ang pagrekognisa kanila nahitabo sa Capitol Grounds atul sa Regular Monday Convocation program sa mga empleyado ug opisyales karung buntaga, Enero 22 ning tuiga.

“At any rate, we survived the calamity last week and for that we are very happy to commend the efforts of our heroes everytime we have this calamity … All of you, our heartfelt thank you. You’ve done a very good job” matud ni Governor Gonzaga.

Mihatag usab sa dakong pasalamat si PG Head Loy diin saysay niini “akong dakong pasalamat sa tanang efforts sa members sa PDRRMC headed by Governor Dotdot for the prompt response that has been delivered” sa pagresponde sa nahitabong landslides ug flashfoods tungod sa shear line weather system nga nasinati sa probinsya miaging mga adlaw.

Dugang usab nga gi-report ni PG Head Loy nga sa miaging sabado, Enero 20, nga “there was already the declaration of State of Calamity as presented during the special session … we are just waiting for the official resolution coming from the Sangguniang Panlalawigan”.

Sa kinatibuk-an, mapasalamatun usab ang panggamhanang probinsyal sa mga paningkamot sa pagresponde sa mga nanginahanglan atul sa kalamidad sama sa mga MDRRMOs sa 11 ka munisipyu, BFP, PNP, AFP, uban pang responders sa lain laing ahensya ug sa makanunayong suporta usab sa probinsya sama sa PSWDO, PAGRO, PENRO, PHO, ug PGSO. (Jaynus Fernandez, Photos by Albert Dayao of PAO-IPRD)