Awards gihatag ni Gov. Tyron Uy sa Comvaleño Young Farmers atol sa “World Food Day Celebration”

Compostela Valley Province—-Lima ka mga Comvaleño Young Farmers nga nag-excell sa panguma ang gihatagan ni Gov. Tyron Uy og Awards atol sa World Food Day Celebration nga karong tuiga giselebrar sa Comval ilalom sa temang “Our Actions Are Our Future”.

Niadtong Oktobre 16, 2019 ang Comval Province nagselebrar sa “World Food Day” ug highlight sa selebrasyon ang usa ka adlawng “Rural Improvement Club (RIC) Golden Heart Gift Giving” ngadto sa RIC Golden Heart Project Recipients ug ang “Recognition of 4H Young Farmers” nga gipanghatagan sa Certificate of Recognition og premyo nga salaping Cash ni Gov. Tyron Uy pinaagi nila Provincial Women Development Council (PWDC) Coordinator Zenith Maceda, 4H/RIC Coordinator Nelma Aranton, ug RIC Provincial Coordinator Brennelle Santiago.

Ang selebrasyon gisugdan sa makalingawng “Larong Pinoy” sama sa Karang, Siatong, ug Bato-bato Pick nga gisawhan sa mga partisipante gikan sa nagkadaiyang mga kalungsuran nga mipartisipar sa usa ka adlawng panagtapok.

Ikaduhang hugna sa selebrasyon ang Program Proper nga gisugdan sa Acknowledgment of Participants ni Provincial 4H/RIC Coordinator Nelma Aranton ug human niini ang paghatag ni PWDC Coordinator Maceda sa Mensahe nila ni Gov. Tyron Uy ug PWDC Chair Madam Sholai. (Gilbert M. Cabahug, PAO-ID Comval)

Related Post