Comval mugnaon ang IP Revenue Code

Compostela Valley Province—-Sa moabot nga mga adlaw mugna-on sa Comval Province ang IP Revenue Code, ug kini matud ni Indigenous People’s Mandatory Representative (IPMR) Albert Camana maoy usa sa mga labing importanteng trabaho nga gikabisihan sa iyang opisina aron mapaneguro nga maatiman ang nagakdaiyang mga panginahanglan sa tribu.

Si Camana mihatag ug Report atol sa bag-o nahumang Provincial Peace and Order Council (PPOC) Provincial Development Council (PDC) Joint Meeting nga gidumala ni PPOC Chair Gov. Jayvee Tyron Uy ug mga kauban nga sila DILG Provincial Director Noel Duarte ug Provincial Planning and Development Officer Romeo Celeste.

Nahitabo ang bag-o nahumang PPOC-PDC Joint Meeting diha sa kapitolyo naidtong Oktobre 22,2019 nga gitambongan sa mga Municipal Mayors sa pagpanguna ni League of the Municipalities of the Philippines  (LMP) Chair Mayor Roberto Yugo sa Pantukan, sa mga dagkong opisyal sa PNP, BFP, NCIP, DepEd, DPWH, ug uban pa.

Dakog matabang ang pagamugnaong IP Revenue Code matud ni Gov. Uy nga malikayan ang pagkadelatar sa mga proyekto sa gobyerno diha sa mga Certificate of Ancestral Domain Titles (CADT) Areas. Samtang, dako sad kinig matabang matud sa Gobernador, nga mas madasig ang mga investor ug dili magduha-duha pagbubo sa ilang mga puhunan diha sa mga lugar sa tribu nga hingpit na nilang gipanag-iya pinaagi sa CADT nga gihatag kanila sa Gobyerno.#YEStoDavaoDeOro (Gilbert M. Cabahug, PAO-ID Comval)

Related Post