Comval Province duna nay kapin P34 Milyones nga Regional Evacuation Center

Compostela Valley Province—-Aduna nay kapin P34 Milyones nga Regional Evacuation Center ang Comval Province ang gidawat ni Gov. Jayvee Tyron Uy pinaagi ni Vice Gov.Maricar Zamora gikan ni DPWH Region XI Dir. Engr. Allan S. Borromeo atol sa malampusong Turn-over Ceremony nga maoy nagsira sa “National Disaster Resilience Month” nga karong tuiga gisilebrar sa probinsiya ilalom sa temang “Kahandaan sa Sakunat Peligro Para sa Tunay na pagbabago”.

Niadtong Hulyo 31 ,2019 gisugdan ang Turn-over Ceremony sa kapin P34 Milyones nga Regional Evacuation Center nga gipabuhat sa Comval Province ni Pang. Rodrigo Roa Duterte (PRRD) pinaagi sa National Disaster Risk Reduction Management Council (NDRRMC) ug Office of the Civil Defense (OCD), Department of Public Works and Highways (DPWH), Department of Health (DOH), Department of Interior and Local Government (DILG), ug sa Department of Social Welfare and Development (DSWD).

Ang turn-over ceremony nahitabo samtang nagpadayon ang “1st Compostela Valley Disaster Risk Reduction and Resilience Summit 2019” sulod sa Social Hall sa kapitolyo nga giapilan sa dul-an 200 ka mga miyembro ug dagkong opisyal sa Provincial Disaster Risk Reduction Management Council (PDRRMC) nga gipanguluhan ni PDRRMC Chair Gov. Jayvee Tyron Uy pinaagi ni PDRRMO Chief Joseph Randy Loy, sa Municipal Disaster Risk Reduction Management Council (MDRRMC) nga gipanguluhan sa mga Municipal Mayors, sa mga sakop ug opisyal sa Bureau of Fire Protection (BFP), sa mga kapulisan, mga kasundalohan ug mga kabatan-onan.

Mitambong sad ang mga sakop ug opisyal sa Commission on Audit (COA), DILG, OCD sa pagpanguna ni OCD Region XI Dir. Manuel Luis M. Ochotorena, ang mga opisyal sa DOST/PAGASA, ug Humanitarian Partners sama sa Philippine Red Cross ug ACF.

Ang bag-o nahumang “Regional Evacuation Center” matud ni DPWH Region XI Dir. Borromeo maka-accommodate og 33 ka pamilya nga temporaryong mopasilong. Sangkap kini matud pa niya sa mga estraktura nga ilang magamit sa nagkadaiya nilang basic needs sama sa toilets and bath, infirmary kon tambalanan, electricity ug tubig nga ilang magamit sa tanang oras.

Ang maong evacuation center matud pa niya duna say Laundry/Drying Building, Pump House, generator and garbage disposal unit, ug duna sad kini’y opisina nga andam kanunay moatiman sa mga biktima sa kalamidad nga temporaryong magpasilong sa maong pasilidad. #YEStoDavaoDeOro(Gilbert M. Cabahug, PAO-ID Comval)

Aduna nay kapin P34 Milyones nga Regional Evacuation Center ang Comval Province ang gidawat ni Gov. Jayvee Tyron Uy pinaagi ni Vice Gov. Maricar Zamora gikan ni DPWH Region XI Dir. Engr. Allan S. Borromeo atol sa malampusong “Turn-over Ceremony” nga maoy nagsira sa “National Disaster Resilience Month” nga karong tuiga gisilebrar sa probinsiya ilalom sa temang “Kahandaan sa Sakunat Peligro Para sa Tunay na pagbabago”. Ang turn-over ceremony nahitabo niadtong Hulyo 31, 2019. (Photo by Albert Dayao, ID Comval)

Related Post