Comval Province kuha ang ikaduhang “Green Banner Award” sa Nutrition

Compostela Valley Province—- Nakuha gihapon sa Comval Province ang ikaduhang Green Banner Award gikan sa National Nutrition Council (NNC) nga gitunol mismo nila NNC Executive Director Dr. Azucena M. Dayanghirang ngadto kang Senior Board Member Arturo “Chiongkee” Uy nga maoy mihatag sa Response Message ni Provincial Nutrition Council (PNC) Chair Gov. Jayvee Tyron Uy atol sa  Awarding Ceremony sulod sa SMX Convention Center sa Davao City niadtong Oktobre 28, 2019.

Kauban ni NNC Executive Dir. Dayanghirang pagtunol sa Award sila DOH Region XI Dir. Dr. Annabelle Yumang ug Region XI Nutrition Program Coordinator Dr. Maria Teresa L. Ungson pagtunol sa Award nga malipayong gidawat ni Board Member Uy ug mga sakop ni PHO Chief Dr. Antonio P. Ybiernas Jr. nga sila PNC Marianita Cariño, Jessily Pajarito, Flor C Ligid ug Jocelyn Wenceslao.

Pinaagi sa iyang sulat kang PNC Chair Gov. Tyron Uy gipahibalo ni Region XI Nutrition Program Coordinator Ungson nga nahimong Green Banner Awardee sa Nutrition ang Comval Province karong tuiga tungod sa Excellent Performance niini sa nagkadaiyang Nutrition Program Innovations nga gihatagan og score nga 95.18% sa Inter-Agency Regional Technical Working Group human ang ilang malampusong Annual Monitoring and Evaluation sa Nutrition Program sa tanang probinisya, siyudad, ug mga lungsod sa tibuok Davao Region.

Sulti sad niya nga kada tuig adunay “Regional Nutrition Awarding Ceremony (RNAC)” nga pagahimoon ang NNC- XI aron ma rekognisar kon mapasidunggan kadtong  Outstanding Local Government Units ug Outstanding Brgy. Nutrition Scholars sa ilang exemplary performance sa gihimong Management, Implementation, and Coordination sa mga nagkadaiyang Nutrition Programs nga miresulta sa ubos kaayong malnutrition prevalence rate sa tibuok probinsiya.

“We will not stop until we rescue the last child from the bondage of hunger, poverty, and under nutrition,” Matud ni Gov. Tyron Uy (Gilbert M. Cabahug PAO-ID Comval

Related Post