Comval Province mihakot ug unom ka mga Pearl Awards sa turismo

Compostela Valley Province—-Unom gyod ka mga Pearl Awards ang nahakot sa mga taga Comval  atol sa bag-o nahumang “20th Annual Convention of the Association of the Tourism Officers of the Philippines (ATOP) ” uban sa temang “Tourism and Jobs: A Better Future for All,”  nga malampusong gihimo didto sa Fort Ilocandia Resort, Province of Ilocos Norte niadtong Oktobre 2-5,2019.

Ang Report ni Senior Tourism Officer Christine Dompor ngadto kang Gov. Jayvee Tyron Uy nagtug-an nga sa gihimong Awarding Ceremony niadtong Oktobre 5, 2019 nakuha sa mga taga Comval ang unom ka mga Pearl Awards nga gitunol sa Malacañang pinaagi sa Department of Tourism (DOT) ug sa ATOP.

Gikan sa kapin kon kulang 300 ka mga Entries apil ang mga taga Comval sa mga nag-una nga gihatagan og mga dakong pasidungog, og 6 gyod ka mga Pearl Awards ang nadawat apil na niini ang NABIFILMEX sa Nabunturan nga moy gideklarang Grand Champion sa “Best Tourism Event Festival” sa Municipal Level Category.

Sa Provincial Level Category, ang Comval Province maoy 1st Runner Up Winner sa Best Tourism Month Celebration ug 1st Runner Up Winner sad ang probinsiya sa “Best Tourism Event Sports Festival” tungod sa Entry nga “Visit Davao Summer Fun Comval”.

Samtang sa Municipal Level Category gdeklarang Grand Champion ang NABIFILMEX sa Nabunturan sa Best Tourism Event Festival; 1st Runner Up Winner ang “Lyurot Festival sa Golden Valley” sa Maini sa Best Tourism Event; 2nd Runner Winner ang “Tapok, Tunob sa Langub Caving” sa Mawab; ug ang “Simbalay Festival” sa Nabunturan nga gihatagan ug Special Citation sa “Best Tourism Event.”(Gilbert M. Cabahug, PAO-ID Comval)

Related Post