Comval Province target nga “100% Polio Immunized”  ang mga kabataang Comvaleño

Compostela Valley Province-Crippling kon maka inutil ug potentially deadly kon makamatay ang sakit nga Polio kon Poliomyelitis ug grabe ka mananakod rason nga ang Compostela Valley hugot nga misuporta sa “Synchronized Polio Vaccination” nga gitawag og “Sabayang Patak Kontra Polio” nga usa sa mga labing mahinungdanong component sa National Immunization Program (NIP) nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

Tanang mga bata nga 0-59 ka bulan kon lima ka tuig paubos ang edad, nabakunahan na kaniadto o wala, matud ni DOH Region XI Local Health Division Chief Dr. Ma. Connie D. Perez nga kinahanglan gyod mabakunahan sa schedule sa “Sabayang Patak Kontra Polio” aron mapanalipdan ang ilang kinabuhi batok niining sakita nga apil sa mga giilang grabe ka makalilisang nga balatian sa kalibutan.

Si Dr. Perez maoy mihatag sa lectrure ug overview sa “Sabayang Patak Kontra Polio” atol sa malampusong “Launching diha sa kapitolyo niadtong Lunes (Nobyembre 25,2019) gitambongan sa mga dagkong opisyal sa DOH Regional Office XI nga sila Anti-Smoking Regional Program Manager Rosemarie Basañez ug Non. Communicable Disease Regional Coordinator Dr. Sharon Valdez, sa mga PG Department Heads sa pagpanguna ni PA Virgilia S Allones, sa mga Staff sa PHO sa pagpanguna nila ni PHO Chief Dr. Antonio Yibernas Jr. ug Assistant PHO Chief Dr. Mary Cyrell Pasaol, ug BM Dr. Renato Basañez nga maoy mihatag sa Message of Support ni Gov. Tyron Uy.

Giklaro nila ni BM Dr. Renato Basañez ug Liga ng Brgy. Provincial Federation President BM Raul Timogtimog nga ang Comval Province hugot nga misuporta sa “Synchronized Polio Vaccination” sa Department of Health (DOH) nga gitawag og “Sabayang Patak Kontra Polio”, ug gitinguha sa probinsiya matud pa nila nga 100% gyod sa mga kabataang Comvaleño sa edad nga 0-59 months mahatagan sa bakuna nga gihatag sa gobyerno nga libre. (Gilbert M. Cabahug, PAO-ID Comval)

#OneComvalOneVision #YEStoDavaoDeOro

Related Post