Comval Senior Scouts ang “1st Runner Up Winner” sa “8 National Venture Camp Fancy Drill”

Compostela Valley Province—-Ang Comval Senior Scouts maoy nahimong 1st Runner Up Winner atol sa bag-o nahumang “8 National Venture Camp Fancy Drill” nga malampusong gihimo sulod sa compound sa National Steel Corporation sa Iligan City niadtong Oktobre 7-12, 2019.

Matud ni Boy Scout of the Philippines (BSP) Comval OIC-Council Scout Executive Mark Tenio nga naa sa kapin kon kulang 120 ka grupo sa mga scout contingents ang mipartisipar sa nagkadaiyang BSP Councils nga gikan sa Luzon, Visayas, ug Mindanao.

Unang semana sa Oktobre 2019 si BSP Comval Council Chair Gov. Jayvee Tyron Uy nagpada sa mga piniling Senior Scouts gikan sa Compostela National High School ug Valderama National High School sa lungsod sa Compostela nga maoy nahimong 1st Runner-Up Winner sa Engkwentro sa Fancy Drill atol sa “8 National Venture Camp” kontra sa kapin kon kulang 120 ka grupo sa mga Scout Contingents nga gipadala sa nagkadaiyang BSP Councils sa nasud. (Gilbert M. Cabahug PAO-ID Comval)

Related Post