Davao De Oro nagpahigayon ug “Volunteer’s Holiday” alang sa mga Buhing Bayani.

“The Winner is Blue Team … 1st Runner Up-Yellow Team.”
Nagpuno sa naglanong-lanog nga mga katawa ug hudyaka sa kapin kon kulang 1,200 Volunteer Builders ang gisawhang parlor games nga maoy unang hunat sa gidalit nga mga paglingaw atol sa usa ka adlawng volunteers’ holiday diha sa Magnanaga Waters niadtong Desyembre 14,2019 nga gipanguluhan mismo nila ni Gov. Jayvee Tyron Uy ug PapaGov Senior BM Arturo “Chiongkee” Uy.

Volunteers’ Holiday ang adlaw sa pagdalit sa probinsya kanila sa talagsaong klase sa mga paglingaw aron sila mapahalipayan sa ilang mga sakripisyo, mga kahago ug mga paningkamot nga matukoran og eskwelahan ang mga kabataan diha sa layo ug grabe ka tuyoong mga lugar.

Blue Team (PAGRO Lead Office) ang mga Volunteer Builders nga nagtukod sa Sitio Sapang Lubog sa Brgy. Tibagon,Pantukan; Yellow Team (Gipanguluhan ni PA Virgila S Allones) ang mga nagtukod sa Sitio Puting Bato ug Jacinto ES sa Purok 3 Brgy. Panansalan, Compostela; Black Team (PGSO Lead Office) ang mga nagtukod sa Bares ES diha sa Prk.3 Sitio Bongloy, Brgy. Pagsabangan New Bataan; Red Team (Lead Offices-PDRRMO and PLO) ang mga nagtukod sa Sitio Side 4, Brgy. Mangayon, Compostela; ug White Team (Lead Offices-SP/VGO nga gipangunahan nila ni Vice Gov. Maricar Zamora ug Senior BM Chiongkee Uy) ang mga Volunteer Builders nga nagtukod sa Digaynon ES sa Sitio Danawan, Manurigao, New Bataan.

Parte sa kalihokan ang pagpasalamat ni Gov. Tyron Uy pinaagi sa gihatag nga mga certificate of recognitions sa mga partners nga nag donar sa kapin kon kulang P9 Milyones nga gigamit pagpamalit sa mga materyales ug uban pang mga panginahanglan sa gitukod nga mga eskwelahan.

“For our brothers and sisters in a far flung areas, schools are not merely places of learning, but also symbols of hope and brighter future. Which is why my heart is filled with joy as we were able to accumulate 9 Million Pesos for the construction of five school buildings with two classrooms for five identified IP Communities in a far flung areas. Thank you Udenna Foundation, ACUP Foundation, Ulticon Builders, Sumifru, APEX Mining, Hexat Mining, and all other partner volunteers. You are examples of our modern day heroes.” Matud ni Gov. Tyron Uy. (Gilbert M. Cabahug PAO-ID DDO)

Related Post