DILG: Comval Province kuha ang “95.6% Accomplishment Rate”sa mga proyektong Road Concreting

Compostela Valley Province—-Malampusong nakuha sa Comval Province ang “95.6% Accomplishment Rate” sa mga proyektong Road Concreting, ug gipasabot mismo ni CMGP Region XI Coordinator  Engr. Mary Grace V. Socapen nga sa Comval Province adunay 10 Road Concreting Projects sa DILG nga unang gipatrabaho ni Gov. Jayvee Tyron Uy ilalom sa KALSADA ug CMGP.

Ang kinatibuk-ang kantidad sa “10 KALSADA-CMGP Road Concreting Projects” matud pa niya miabot og P759.591 Milyones. Samtang, base sa ilang pag-evaluate aduna kiniy  “95.6% Accomplishment Rate” diin ang kadaghanan human na kon naa na sa 100% ang Physical Accomplishments.

Apil niining mga proyektoha ang 12.08 Km. nga “Mayaon-San Antonio Provincial Road” Phase-2 nga naa na sa 99.3% ang Physical Accomplishment; ang 6.848 Km. nga Nabunturan-Nuevo Iloco Provincial Road Phase-2 nga naa na sa 100% ang Physical Accomplishment; ang 8.468 nga Elizalde Panamin-Anitapan Provincial Road nga naa na sa 99.82% ang Physical Accomplishment ug uban pa.

Si Engr. Socapen mihatag og CMGP Update niadtong Oktubre 28, 2018 atol sa “Local Road Management Team (LRMT) Monthly Coordination Meeting nga gidumala ni LRMT Chair Provincial Administrator (PA) Virgilia S Allones.

Mitambong sa meeting sila si PEO Chief Engr. Rhoderick Digamon nga maoy mihatag sa “CMGP Physical Accomplishment Report, si LRMT-TWG Chair Person Assistant PBO Chief Napoleon Montero nga maoy mihatag og Update sa PGRR Monitoring, ug Grace Almedilla sa PHRMDO nga maoy nagpahibalo bahin sa pagahimoong Capability Building Activities.(Gilbert M. Cabahug PAO-ID Comval)

Related Post