DILG PD Duarte: Comval naka-Gold sa “ADAC Performance Audit”

Compostela Valley Province—--Gold nga Adjectival Rating sa Anti Drug Abuse Council (ADAC) ang gihatag sa Comval Province tungod sa 100% Perfect Score nga nakuha sa probinsiya human ang makuting pag-evaluate sa unom ka mga Functionality Indicators timaan sa maayong programa kontra Illegal Drugs nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

Samtang mipasar sad matud ni DILG Provincial Director (PD) Noel Duarte, sa ADAC Performance Audit ang onse ka mga lungsod nga diin upat gyod ang nakakuha sa 100% Perfect Score nga mao ang mga lungsod sa Laak, Monkayo, Maco, ug Pantukan.

Parte sa iyang pagpasabot kang Provincial Peace and Order Council (PPOC)   Chair Gov. Tyron Uy ug sa mga sakop sa Provincial Development Council (PDC) ug sa gibag-ong “Peace and Order and Public Safety Plan (POPSP)” sa probinsiya atol sa Joint Meeting sa PPOC-PDC bag-ohay lang. Gipahibalo dayun ni PD Duarte sa mga dagkong pasidungog nga nakuha sa probinsiya gikan sa kauluhan tungod sa padayong pag-excell sa probinsiya sa Public Services Delivery.

Ang “2018 Anti-Drug Abuse Council (ADAC) Performance Audit: Score Sheet for PADAC” sa Davao Region nagtug-an sa Perfect Score nga nakuha sa probinsiya sa Functionality Indicators nga “Organized Local PADAC, Conduct of Meetings, Allocation of Funds for the Implementation of Anti-Drug Activities, Implementation of Plans and Programs, Support to ADACS in Component LGUs, and Innovations” nga gihatagan gihapon ug Perfect Score.#YEStoDavaoDeOro (Gilbert M. Cabahug, PAO-ID Comval)

Related Post