Gov. Tyron Uy: 98% pasyente ang natambalan nga libre sa DDO Provincial Hospitals

Davao De Oro Province-98% sa mga pasyente sa Davao De Oro Provincial Hospitals ang natambalan nga libre sa milabayng 2019 ilalom sa Zero Balance Billing Policy sa probinsya, ugmatud ni Gov. Jayvee Tyron Uy nga miabot sa P421 Milyones ang nagastong pundo sa gobyerno para sa libreng pagpanambal.

Combined assistance kini matud pa niya gikan sa Office of the President, sa Pagkalinga sa Bayan  (Provincial Fund), sa Philhealth, sa DOH, sa Congressional Medical Assistance Program, sa Local Funds sa mga munisipyo, ug sa Office of the President diin opisyal niyang gipaabot ang iyang mainitong pasalamat kang Sen. Bong Go ug Mayor Inday Sarah Duterte nga mitabang sa probinsya nga makabahin sa pundo gikan sa opisina ni Pres. Rodrigo Roa Duterte (PRRD).

Niadtong Enero 20,2020 Atol sa 28th Regular Session sa SP DDO sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy, si Gov. Tyron Uy opisyal nga mihatag sa iyang “State of the Province Address SOPA” nga sa kinatibuk-an naghulagway sa iyang 4Ps-Plus Framework nga Planet, People, Prosperity, Peace, and Good Governance.

Sa People, apil sa mga labing importanteng unod sa iyang report ang bahin sa mga paningkamot sa probinsya nga mahatagan og libreng serbisyo sa mga Hospital ang mga katawhan sa Davao De Oro ilalom sa mas gipakusog niyang Preventive Aspect sa Health Care Services Delivery.

Ang labing ulahing report sa opisina ni Provincial Economic Enterprise Management Office (PEEMO) Chief Dr. Ferdinand Anthony Soberano nagtug-an sa 118,555 kinatibuk-ang ihap sa mga pasyente nga nagpatambal sa Davao De Oro Provincial Hospitals sa milabayng 2019.

Gikan niini ang 39,371 total hospital admission kon in-patients. Samtang, miabot sad sa 79,184 ang gidaghanon sa mga out patients nga nagpatambal sa Davao De Oro Provincial Hospitals diha sa Laak, sa Montevista, sa Pantukan, ug Maragusan.

Matud ni Gov. Tyron Uy nga 98% gyod sa mga pasyente sa milabayng 2019 ang natambalan nga libre kon way nabayrang Hospital Bills diha sa upat ka mga Provincial Hospitals ilalom sa Zero Balance Billing Policy sa  Province of Davao De Oro.(Gilbert M. Cabahug PAO-ID DDO)

Related Post