Gov. Tyron Uy: Atong tinguha nga ang mga katawhan padayon nga magpuyong may dignidad ug malipayon

Davao de Oro—-“Atong tinguha nga ang mga katawhan padayong magpuyong may dignidad ug malipayon,” ug matud ni Gov. Jyavee Tyron Uy nga bisan pa man kon dili ma perfect ang kinabuhi ug pagdumala tungod sa tawhanong mga kahuyang ang mga lideres padayong maningkamot aron mahatag ang pinakamaayong serbisyo aron mosaka sa taas nga lebel ang kinabuhi ug kahimtang sa mga katawhan nga maoy tinuod nga bahandi sa Davao De Oro.

Si 1st Davao De Oro Governor Tyron Uy mihatag sa iyang Thanksgiving Day Message ngadto sa liboang mga Pastor ug uban pang mga Religious Leaders nga nagtapok diha sa kapitolyo alang sa usa ka adlawng selebrasyon sa “2019 Provincial Thanksgiving Day” diha sa kapitolyo niadtong Desyembre 8, 2019 nga karong tuiga giselebrar sa probinsiya ilalom sa temang “Through Him let us continually offer up a sacrifice of praise to God that is fruit of lips that give thanks to his name.”

Ang selebrasyon gisugdan sa Ecumenical Prayers ug nagsunod niini ang usa ka Stage Play nga nag-uluhan og “The Resurrection of Jesus”. Human niini ang Message of the Guest Speaker nga si Atty. Rosemarie Tabas Olarte nga gisundan sad dayon sa Praise and Worship nga gipangunahan nila Provincial Spiritual Development and Values Restoration Council Action Officer Executive Assistant 4 Mario Angelo Sotto ug Executive Assistant 4 Jun Tabas.

Parte sa selebrasyon ang pagpaminaw sa inspiring Messages nila ni Cong. Atty. Ruwell Peter Gonzaga, Papa Gov. Senior BM Arturo “Chingkee” Uy nga gipabati ni BM Vivencia Secuya, ug Vice Gov. Maricar Zamora nga nagpahibalo sa dakong interest nila ni Gov. Tyron Uy ug sa uban pang mga lideres nga saulogon ang “Davao De Oro Day” sa December 8 nga gawas gisaulog sa halos tanang mga simbahan sa probinsiya nga “Thanksgiving Day” usa sad kini sa pinakaimportanteng adlaw sa mga Catholic nga nagsaulog niining adlawa nga Immaculate Concepcion of Mary.

Ang “2019 Provincial Thanksgiving Day Celebration” gitambongan sad nila Mayor Ruperto Gonzaga; Mayor Chelita Amatong; Mayor Lema Bolo; Vice Mayor Rodel Balili, ug SP Members Macario Humol, Dr. Renato Basañez, Albert Camana, Joseph Jaoud, ug uban pa. (Gilbert M. Cabahug PAO-ID Comval)

Related Post