Gov. Tyron Uy gihatdan og Relief Goods ang 2 Provinces nga grabeng naapektahan sa linog

Compostela Valley Province-Gipangunanayan mismo ni PDC Chair Gov. Jayvee Tyron Uy paghatud og mga relief goods ang duha ka mga probinsya nga grabeng naapektahan sa nagsunod-sunod nga mga linog sa milabayng Oktobre 2019, nga matud pa niya adunay kapin kon kulang sa 200,000 ka pamilya nga grabeng naapektahan.

Kauban si Executive Assistant 4 Mario Angelo ug ang mga trabahante sa kapitolyo si Gov. Tyron Uy naghatud sa 1,200 ka mga Family Food Packs, 700 Boxes nga bottled water, 32 ka rolyo nga mga trapal, ug uban pang klase sa mga ayuda aron magamit sa mga katawhan nga temporayong nagpasilong diha sa mga evacuation centers.

Panahon sa Regular Employees Convocation Program si Gov. Tyron Uy mihatag og Report sa iyang mga lakaw sa milabayng semana diin usa sa mga labing importante niyang gihimo ang paghatud og relief goods niadtong Dominggo (Nobyembre 2,2019) sa PLGU North Cotabato; LGU Magsaysay, Davao Del Sur; ug sa PLGU Davao Del Sur nga matud pa niya daling mitabang sa mga katawhang Comvaleño human ang probinsya nahiagom ug grabeng kadaot sa Bagyong Pablo.

Kining mga probinsyaha maoy nagrabehan matud ni PDRRMO Chief Joeph Randy Loy

sa tulo nagsunod-sunod mga linog sa milabayng bulan nga nahitabo niadtong Oktobre 16 sa gikusgong 6.3-6.4 magnitude,  niadtong Oktobre 29 sa gikusgong 6.6 magnitude, ug niadtong Oktobre 31 sa gikusgong 6.5 Magnitude nga tungod naa lang sa 2 Km Depth kon labing mabawgiilang labing kusog nga mitay-og sa Davao Region ug North Cotabato.(Gilbert M. Cabahug, PAO-ID Comval)

Related Post