Gov.Tyron Uy manghatag og honorarium sa 5,635 ka mga Barangay Functionaries

Compostela Valley Province—-Aprobado na ni Gov. Jayvee Tyron Uy ang laing hugna  sa pagpanghatag og Honorarium sa 5,635 ka mga Barangay Functionaries sa Comval Province, ug iyang makauban sa pagtunol niini ang mga SP Members sa pagpanguna nila Vice Gov. Maricar Zamora ug Senior Board Member Arturo “Chiongkee” Uy.

Dungan sa pagpakita ni CADS Chief Eduardo C. Anthony sa Schedule of Honorarium Release nga pirmado nila ni Gov. Tyron Uy ug Provincial Administrator Virgilia S. Allones, iyang gisulti ang paghatag og Honorarium nga P2,100.00 ang kada usa ngadto sa 2,387 ka mga Kasangga sa Kapayapaan ng Probinsiya (KKP), sa 2,187 ka mga Brgy. Health Workers (BHWs), ug sa 369 ka mga Brgy. Nutrition Scholars (BNS) sa Comval Province.

Apil sad sa pagahatagan sa ilang tagsa-tagsa ka honorarium ang 334 ka mga Day Care Workers (DCW) nga hatagan og P2,250.00 nga Honorarium ang kada usa, ang 245 ka mga Brgy. Agricultural Extension Workers (BAEW) nga hatagan og P4,500.00 nga honorarium ang kada usa, ug ang 133 ka mga Social Welfare And Development Auxiliaries (SWADA) nga hatagan og P3,000.00 nga honorarium ang kada usa.

Ang Honorarium Release gisugdan niadtong Oktobre 21, ug hatagan ni Gov. Tyron Uy sa ilang tagsatagsa ka Honorarium ang 644 ka mga Brgy. Functionaries sa Monkayo ug ang 395 ka mga Brgy. Functionaries sa Montevista.(Gilbert M. Cabahug, PAO-ID Comval)

Related Post