Gov. Tyron Uy mohatag og P500,000.00 hinabang sa Itbayat, Batanes

Compostela Valley Province—-P500,000.00 hinabang ang gigahin karon ni PDRRMC Chair Gov. Jayvee Tyron Uy sa Itbayat, Batanes nga maoy nasabotan sa bag-o nahumang Provincial Disaster Risk Reduction Management Council (PDRRMC) Emergency Meeting diha sa kapitolyo bag-o lang.

Una nang gipahibalo sa Gobernador diha sa kapitolyo  niadtong Hulyo 29, 2019 atol sa Regular Employees Convocation Program ang planong paghatag og hinabang sa Itbayat,Batanes nga nakaangkon og grabeng kadaot human maigo sa 6.0 Magnitude nga linog niadtong Hulyo 27, 2019.

Hulyo 30, 2019 si Gov. Uy nagpatawag og emergency meeting sa tanang miyembro sa PDRRMC aron hatagan og hinanaling pagtagad ang pagpasar sa duha ka mga resolution nga mao ang paghatag kaniya og pagtugot nga mogahin og P500,000.00 nga pundo gikan sa calamity fund sa probinsiya aron itabang sa mga biktima sa linog diha sa nahisgotang lungsod. #YEStoDavaoDeOro(Gilbert M. Cabahug, PAO-ID Comval)

Related Post