Gov. Tyron Uy ug 146 taga Comval nga mga LCEs gihakot ang“2018 Regional Sandugo Awards”

Compostela Valley Province-Sandugo Awardee gihapon karon si Gov. Jayvee Tyron Uy kauban ang 146 taga Comval nga mga LCEs nga gihatagan sa ilang “2018 Regional Sandugo Awards” sa mga dagkong opisyal sa Department of Health(DOH) atol sa bag-o nahumang Awarding Ceremony nga malampusonggihimo niadtong milabayng Huwebes (Nobyembre 14,2019) diha sa Sunny Point Hotel sa Davao City.

Gikan kang DOH Region XI Dir. Dr. Annabelle Yumang ang Award ni Gov. Tyron Uy  malipayong gidawat nila ni PHO Chief Dr. Antonio Ybiernas  Jr. ug Provincial Voluntary Blood Services Program Coordinator Leonardo Merced.

Miabot sa 147 ang kinatibuk-ang ihap sa “2018 Regional  Sandugo Awards” nga gihatag sa DOH sa 147 sad ka mga LCEs sa Comval diin nakauban ni Gov. Tyron Uy nga nahatagan sa “2018 Regional Sandugo Awards ang 11 ka mga Municipal Mayors, si BM Raul Timogtimog, ug laing 135 ka mga Barangay Captains tungod Outstanding Implementers sa “National Voluntary Blood Services Program”.

Si Gov. Tyron Uy unang midawat matud ni Merced sa iyang Regional Sandugo Award sa tuig 2016, ikaduha satuig 2017, ug ikatulo ang “2018 Regional Sandugo Award” nga gihatag gihapon kaniya tungod sa taas kaayong Blood Donation Rate sa tibuok Comval Province nga miabot og 2.29% labaw sa DOH Requirement nga 1% lang sa total population aron mahatagan ang usa ka LGU sa Regional Sandugo Award.

Dugang ni Merced nga sa tibuok Comval adunay “17,476 total bags of 500 cc Blood” nga gidonar sa 13,919 Comvaleño Donors sa tuig 2018 lang  nga maoy resulta sa hugtanong pagtinabangay sa mga katawhang Comvaleño ilalom sa Provincial Voluntary Blood Services Program nga gipakusog sa Comval ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.(Gilbert M. Cabahug, PAO-ID Comval)

Related Post

Leave a Comment

Your email address will not be published.