Gov.Uy giturn-over ang bag-o nahumang P5M Barangay Covered Court sa Maco

Compostela Valley Province—Opisyal na nga gitunol ngadto sa Brgy. Poblacion, Maco  ang bag-o nahumang P5 Million Brgy. Covered Court nga gipabuhat ni Gov. Tyron Uy ug SP Members sa pagpanguna nila ni Vice Gov. Maricar Zamora ug Senior Board Member Arturo “Chiongkee” Uy.

Nahitabo ang Turn-over ceremony sa “P5 M Covered Court” niadtong Oktobre 26, 2019, ug mismo si Gov. Tyron Uy maoy nagtunol niini ngadto kang Liga ng Barangay Provincial Federation President Raul Timogtimog   dungan sa Blessing sa Brgy. Health Station nga maoy unang gihimo sa wala pa sugdi ni Board Member (BM) Timogtimog ang iyang “2nd State of the Barangay Address (SOBA)”.

Mitambong sa bag-o nahumang “Blessing and Turn-over Ceremony” ug sa SOBA  sila BM Vivencia Secuya, BM Macario Humol, SB Member Mario Sapilan, PGSO Chief Arceli Timogtimog, Brgy. Kagawad Alexander Villarosa ug uban pa.

Panahon sa iyang SOBA opisyal nga gipahibalo ni BM RatimTimogtimog ang nagsingabot nga pagtukod sa ilang 3 Storey nga Barangay Hall. Magagikan matud pa niya sa Congressional Fund ni Cong. Atty. Ruwel Peter Gonzaga ang dakong pundo nga gamiton pagtukod sa unang duha ka andana.

Samtang sa barangay magagikan ang P1.5 Milyones nga gamiton para sa Construction sa ika tulong andana. (Gilbert M. Cabahug PAO-ID Comval)

Related Post