Kapin 500 naserbisyohan sa Family Health Fair

Compostela Valley Province-Dili moubos sa  500 ka mga individual ang naserbisyohan  atol sa usa ka adlawng Provincial Family Health Fair nga nag-showcase sa ngakadaiyang mga srebisyo sa panglawas ilalom sa Preventive Aspect sa Health Care Services Delivery nga gipakusog sa Comval ni Gov. Jayvee Tyron Uy ug SP Members sda pagpanguna nila ni Vice Gov. Maricar Zamora ug Senior BM Arturo “Chiongkee” Uy.

Ilalom sa temang “Bringing Families Towards Universal Health Care” ang 12th Family Health Fair diha himoa sa Brgy. Melale, Laak niadtong Septyembre 10,2019 ug sama sa milabayng selebrasyon adunay mga lamesa nga pagaadtoan ang mga katawhan aron sila matabangan sa nagkadaiyang Health Care and Social Services nga gihatag kanila sa gobyerno niadtong adlawa  nga libre.

Child Health ang libreng gitunol sa RHU Montevista, Maternal health ang sa RHU Monkayo, Family Planning ang sa RHU Compostela ug RHU Maragusan, Environmental Sanitation and Infectious Diseases ang sa RHU New Bataan, mga serbisyo may labot sa Non Communicable Diseases ang sa RHU Nabunturan, bahin sa Population ang sa RHU Maco ug RHU Mawab, Nutrition Program ang sa RHU Mabini ug RHU Pantukan, ug Oral Health Program nga libreng gitunol ni Dr. Juan Secuya ug mga Dentista sa onse ka mga munisipyo.

Partner sad sa probinsiya pagtunol sa libreng Health Care and Social Services naidtong adlawa ang mga pulis ug kasundalohan, ang PSA, ang Therma Marine, ang Apex Mining, ang DACICO, ang PhilHealth, ang DSWD ug ang Council of Women sa pagpanguna ni PWDC Chair Madam Sholai nga mihatag niadtong adlawa og libreng Gupit. #OneComvalOneVision #YEStoDavaoDeOro (Gilbert M. Cabahug, PAO-ID Comval)

Related Post