Katawhan sa GIDA sa DdO nakabenepisyo sa mga serbisyo sa gobyerno

Ang kalay-on sa lugar dili babag mahatod lamang ang tinud-anay nga serbisyo sa gobyerno ngadto sa mga Geographically Isolated and Disadvantaged Areas kun (GIDA) sa probinsya sama nalang sa Barangay Panangan ug Gubatan sa Maco, human personal kining giadtoan ni Governor Dorothy Montejo Gonzaga kauban si Congressman Ruwel Peter Gonzaga ug uban pang mga opisyales kagahapong adlawa (September 13, 2023).

Kapin kinyentos ka mga indibidwal ang naka benepisyo sa libreng tuli, ibot-ngipon, tambal, medical check-up, food packs, ug uban pa. Ming hatag usab og konsultasyon ang opisina sa Provincial Agriculturist’s Office, Provincial Veterinarian ug Provincial Environment and Natural Resources Office sa mga angay pang serbisyo nga gikinahanglan sa komunidad sa matang sa agrikultura.

Sa mensahe ni Governor Dorothy Montejo-Gonzaga, nagpasalamat siya “𝑛𝑔𝑎 𝑏𝑖𝑠𝑎𝑔 𝑠𝑎 𝑘𝑎ℎ𝑖𝑚𝑢𝑏𝑜 𝑠𝑎 𝑝𝑎𝑛𝑎𝑤𝑎𝑔𝑎𝑛 𝑛𝑔𝑎 𝑚𝑎𝑛𝑔𝑎𝑟𝑖 𝑚𝑜, 𝑛𝑖𝑡𝑢𝑏𝑎𝑔 𝑚𝑜 𝑎𝑟𝑜𝑛 𝑚𝑜 𝑎𝑣𝑎𝑖𝑙 𝑠𝑎 𝑠𝑒𝑟𝑏𝑖𝑠𝑦𝑜 𝑠𝑎 𝑔𝑜𝑏𝑦𝑒𝑟𝑛𝑜. 𝑀𝑎𝑜 𝑛𝑖 𝑎𝑛𝑔 𝑝𝑎𝑚𝑎𝑎𝑔𝑖 𝑎𝑟𝑜𝑛 𝑚𝑎𝑝𝑎𝑘𝑖𝑡𝑎 𝑛𝑎𝑚𝑜 𝑠𝑎 𝑖𝑛𝑦𝑢ℎ𝑎 𝑛𝑔𝑎 𝑝𝑖𝑛𝑎𝑛𝑔𝑔𝑎 𝑗𝑢𝑑 𝑡𝑎 𝑠𝑎 𝑔𝑜𝑏𝑦𝑒𝑟𝑛𝑜”.

Agig tubag, mipadangat usab si Barangay Kagawad Jimmy B. Bayani sa iyang dakong kalipay tungod kay “𝑏𝑖𝑠𝑎𝑛 𝑠𝑎 𝑔𝑖𝑙𝑎𝑦-𝑜𝑛 𝑠𝑎 𝑎𝑚𝑜𝑛𝑔 𝑙𝑢𝑔𝑎𝑟, 𝑔𝑖𝑝𝑎𝑑𝑢𝑜𝑙 𝑢𝑔 𝑔𝑖ℎ𝑎𝑡𝑜𝑑 𝑗𝑢𝑑 𝑛𝑖𝑛𝑦𝑜 𝑎𝑛𝑔 𝑚𝑔𝑎 𝑛𝑎𝑔-𝑢𝑛𝑎𝑛𝑔 𝑠𝑒𝑟𝑏𝑖𝑠𝑦𝑜 𝑛𝑔𝑎 𝑔𝑖𝑘𝑖𝑛𝑎ℎ𝑎𝑛𝑔𝑙𝑎𝑛 𝑠𝑎 𝑚𝑔𝑎 𝑘𝑎𝑡𝑎𝑤ℎ𝑎𝑛”.

Ang maong programa parte usab sa selebrasyon sa adlaw nga natawhan ni Presidente Ferdinand R. Marcos Jr. diin mipaabot ug mainitong pagtimbaya ang mga katawhan ug pagpasalamat sa programang Lingap at Alangang Bayanihan kun LAB.

Ming tambong usab si 1001st Brigadier General, Felix Ronnie B Babac, Mayor Arthur Carlos Voltaire Rimando, Board Member Ruwina Gonzaga, Albert Camana, mga kapulisan ug opisyales sa barangay.

Sa laing bahin, nakadawat usab ug food packs ang mga katawhan sa Barangay Lebanon, Montevista ug Barangay Andili sa Mawab.

Ang Serbisyo Caravan ug Kamustahan sa Barangay usa sa mga programa ubos sa administrasyon ni Governor Gonzaga aron mahinabi ang mga katawhan aron mahatagag katubagan ang mga mulo ug masustinar ang malahutayong kalinaw sa probinsya. (𝑅. 𝐻𝑜𝑟𝑡𝑖𝑧𝑎𝑛𝑜)