Karong gabii, gideklara sa Department of Health ang unang kaso sa COVID-19 sa Davao Region. Ang pasyente, 21, residente sa Pantukan, Davao de Oro, kasamtangang naa sa Davao Regional Medical Center (DRMC). Ang pasyente gikan sa United Kingdom, miagi sa Doha Qatar, Manila ug miabot sa Davao katong February 29, 2020.


Ginaatiman na sa DRMC ang pasyente ug padayon kining nagapaayo. Stable ang kondisyon sa pasyente, base sa opisyal nga pahayag sa Department of Health-XI.
Buot nakong ipaniguro kaninyo nga ang Provincial Government of Davao de Oro kauban ang atong mga municipal local government units, ug DOH nagatinabangay para himuong luwas ang matag usa kanato sa risgong dala sa COVID-19.
Nagdeklara na’g suspension ug klase ang atong onse ka munisipyo sa probinsya.
Ugmang adlawa, atong tapokon pag-usab ang tanang mayors, municipal health officers, municipal disaster risk reduction and management officers, mga provincial government department heads, hospital chiefs, ug uban pang stakeholders para sa usa ka Provincial Inter-Agency Task Force COVID Meeting. Ang maong meeting magobserbar sa tanang protocols sama sa social distancing ug uban pa.
Hangyuon ko kamo pag-usab nga atong sundon ang advisories o pahimangno sa atong mga local government units ug Department of Health sama sa:
(1) Dili usa kita mugawas sa atong mga panimalay. Magpondo ta sa atong mga panimalay ug dili muggawas kung wala gyud importante nga lakwan.
(2) Likayan nato ang pag-adto sa mga lugar nga daghang tao.
(3) Siguruhong limpyo ang atong mga lawas. Maghugas ta sa atong mga kamot pinaagi sa sabon, alcohol etc. ug
(4) Kung galing, makabati kita’g mga sintomas, adto dayon sa pinakaduol na mga rural health units, barangay health centers, ug mga ospital etc.
Panahon karon sa pagtinabangay, sa pagsinabtanay, ug sa pagtambayayong. Ipakita nato ang atong bayanihan. Panahon sa kalisod o pagsulay, walang iwanan gihapon ta sa Davao de Oro.
Padayon kitang mahimong alerto ug kalmado. Dili nato kalimtan nga mag-ampo pernamente.
Daghang salamat sa inyong kooperasyon!

via Gov Tyron Uy Facebook

Related Post