“Pantukan Blue Sharks” gihakot ang 6 Gold Medals sa Chess Tournament atol sa “2019 CVPAA Meet”

Compostela Valley Province-Unom gyod ka mga Gold Medals ang gihakot sa “Pantukan Blue Sharks” atol sa bag-o nahumang Provincial Chess Tournament nga apil sa nagkalain-laing Sports Events nga gisawhan sa piniling mga Players gikan sa onse ka mga lungsod nga nag-engkwentro sa hapit usa ka semanang “2019 Provincial Athletic Association Meet” nga ang Opening Day niadtong Lunes (Nob.11,2019) gipanguluhan mismo nila ni Gov. Jayvee Tyron Uy ug SDS Dr. Reynante Solitario.

Sa Chess Event ang “Pantukan Blue Sharks” maoy gihatagan nila ES Tournament Manager Melchor Garcia ug HS Tournament Manager Jose Adonis Sevilla sa mga medalyang bulawan sa Secondary Boys Team Category, sa Secondary Boys Individual Category, sa Secondary Girls Team Category, sa Secondary Girls Individual Category, sa Elementary Girls Team Category, ug sa Elementary Girls Individual Category.

Samtang ang Maragusan Maroon Knights maoy ilang gihatagan sa mga medalyang bulawan sa Elementary Boys Individual Category ug sa Elementary Boys Team Category atol sa Clossing Program diha sa kapitolyo niadtong Huwebes (Nob. 14,2019).

Apil sa mga team nga nag-engkwentro sa hapit usa ka semanang paugnat sa kusog mao ang “Compostela Blazing Blades”, ang “Laak Mighty Bamboo”, ang “Maco Power Voltz”, ang “Mabini Pearls”, ang “Maragusan Maroon Knights”, ang “Mawab Snipers”, ang “Monkayo Warriors”, ang Montevista Sky Movers, ang “Nabunturan Black Mamba”, ang “New Bataan Rock Wreckers”, ug ang “Pantukan Blue Sharks” nga gideklarang Over All Champion sa Chess Event atol sa bag-o nahumang “2019 CVPAA Meet”. (Gilbert M. Cabahug, PAO-ID Comval)

Related Post