Kagahapong adlawa, giaprubahan sa Provincial Government of Davao de Oro ang Provincial Ordinance No. 63-2020 o HOME QUARANTINE ORDINANCE OF DAVAO DE ORO.

Ang ordinansa striktong nag-implementar og home quarantine sa Davao de Oro isip lakang niini aron mapugngan ang pagkatag sa COVID-19 sa tibuok probinsya.

Unsa ang angay natong masayran aning ordinansang gipasa ug gipirmahan kadtong Marso 23, 2020?

Basaha kini, mga Dabawenyo!

Aduna’y home quarantine pass nga pirmado sa Kapitan ug butangan ug dry seal sa barangay nga ihatag sa matag panimalay aron tugutan ang usa ka miyembro sa pamilya nga makagawas alang sa pagpalit ug pagkaon o tambal

Note: Sa mga barangay nga nakabuhat na ug quarantine pass, mamahimo gihapon kining gamiton apan importante nga naay dry seal sa barangay para malikayan ang mga peke nga pass. Ang dry seal mao ang basehan sa mga police sa mga checkpoint.

Magpuyo lang sa tagsa-tagsang panimalay.

Suspendido ang klase sa eskwelahan sa tanang lebel.

Usa ka miyembro sa kada pamilya lang ang tugutan nga mugawas aron mopalit og pagkaon ug medisina.

Ang tanan mugawas sa panimalay magsuot ug face mask.

Ang tanan nga muadto sa mga pampublikong lugar ug musakay ug pampublikong transportasyon magpatuman og social distancing.

Ang mga mosulod og trabaho magsuot og ID o magpresentar og dokumento nga magpamatuod nga gatraba

Kung walay ID o dokumento sa pagtrabaho, magkuha og sertipikasyon gikan sa punong barangay.

Ginadili ang pagtapok-tapok sama sa pyesta, misa, programa ug uban pang okasyon.

Ginadili ang paglatagaw sa publikong lugar.

Ang musupak aning ordinansa silutan ubos sa RA 11332 ug Article 148 ug 151 sa Revised Penal Code.

Related Post