Apil sa giaprubahan gahapon sa Provincial Government of Davao de Oro ang Provincial Ordinance No. 62-2020 o ORDINANCE IMPOSING CURFEW DURING TIMES OF NATIONAL FOR LOCAL PUBLIC ORDER AND SAFETY OR HEALTH EMERGENCIES.

Ang ordinansa striktong nag-implementar og curfew sa tibuok Davao de Oro isip lakang niini aron mapugngan ang pagkatag sa COVID-19 sa tibuok probinsya.

Unsa ang angay natong masayran aning ordinansang gipasa ug gipirmahan kadtong Marso 23, 2020?

Basaha kini, mga Dabawenyo!

Ipatuman ang curfew gikan alas nuwebe (9) sa gabii hangtod alas singko (5) sa buntag. Ginadili ang paglaruy-laruy, paglaag, ug pagpondo sa gawas sulod niining mga orasa. Ang mga negosyo, tindahan, ug uban pang establisyemento kinahanglan magtuman usab sa curfew.

Dili apil sa curfew ang mga trabahante o empleyado nga kinahanglan mangadlawon sama sa:

1. Hospitals, medical clinics, pharmacies and drug stories
2. Slaughterhouse, banana plantations, and other agricultural establishment
3. Power and energy
4. Water and telecommunications supplies and government-accredited facilities
5. Media personnel nga aduna’y icover nga balita
6. Mga tawong nagabyahe gikan ug padulong sa trabaho basta magpakita sila’g ID o certificate of employment
7. Awtorisadong mga opisina sa gobyerno o personahe sa mga law enforcement agencies
8. Kadtong mga nagaresponde/tabang sa health emergencies may kalabutan sa COVID-19 ug uban pang balatian

Kinahanglan aduna’y siren ang tanang munisipyo ug barangay nga ilang ipalanog pagsugod sa curfew. Kung wala’y siren, kinahanglan mag rekorida ug mag patrolya ang barangay aron ipahibalo sa katawhan ang curfew.

Ang curfew kinahanglan ipatuman sa Davao de Oro Philippine National Police, mga municipal mayors, mga punong barangay ug ilang personahe, Public Order and Security Office ug uban pang personaheng gitugtan sa Local Chief Executive

Dili pwede gamiton ang quarantine pass aron makaikyas sa curfew.

Ang tanang musupak sa curfew silutan ubos sa Section 9 (d) ug (e) sa Republic Act 11332 ug Article 148 ug 151 sa Revised Penal Code.

Related Post