RDC Chair Gov. Uy gihatdan og Relief Goods ang 2 ka probinsiya nga apektado sa linog

Compostela Valley Province–-Gipangunanayan mismo ni Regional Development Council (RDC) Chair Gov. Jayvee Tyron Uy ang paghatud og mga relief goods sa duha ka mga probinsya nga grabeng naapektahan sa nagsunod-sunod nga mga linog sa milabayng Oktobre 2019 nga matud pa niya adunay kapin kon kulang sa 200,000 ka pamilyang apektado.

Kauban si DANECO OIC-General Manager ug Executive Assistant Mario Angelo Sotto ug ang mga trabahante sa kapitolyo si Gov. Uy naghatud sa 1,200 ka mga Family Food Packs, 700 Boxes nga bottled water, 32 ka rolyo nga mga trapal, ug uban pang klase sa mga ayuda aron magamit sa mga katawhan nga temporayong nagpasilong diha sa mga evacuation centers.

Panahon sa Regular Employees Convocation Program si Gov. Uy mihatag og Report sa iyang mga lakaw sa milabayng semana diin usa sa mga labing importante niyang gihimo ang paghatud og relief goods niadtong Nobyembre 2, 2019 sa Provincial Local Government Unit (PLGU) sa North Cotabato; sa Local Government Unit sa Magsaysay, Davao Del Sur; ug sa PLGU Davao Del Sur nga matud pa niya daling mitabang sa mga katawhang Comvaleño human ang probinsya nahiagom ug grabeng kadaot sa Bagyong Pablo.

Kining mga probinsyaha maoy nagrabehan matud ni Provincial Disaster Risk Reduction and Management Officer (PDRRMO) Joseph Randy Loy

sa tulo nga mga nagsunod-sunod nga mga linog sa milabayng bulan. (Gilbert M. Cabahug, PAO-ID Comval)

Related Post

Leave a Comment

Your email address will not be published.