Sa Comval: 24 Eagle Scouts gipasidunggan atol sa “Court of Honor Ceremony”

Compostela Valley Province-Simpleng bulak nga rosas gikan sa 24 ka mga Eagle Scouts apan igo na nga nakapatulo sa luha sa ilang mga ginikanan, luha sa kalipay nga  naghimong very emotional kon makatandog sa dughang eksena sa bag-o nahumang Court of Honor Ceremony sa 24 ka mga bag-ong Eagle Scouts nga gihatagan sa ilang Eagle Scout Medals diha sa kapitolyo niadtong Lunes (Nobyembre 25,2019).

Dungan sa gihatag nga Rosas ang ilang mainitong pasalamat sa suportang financial, mga pagdasig, ug uban pang tabang nga gihatag kanila sa ilang mga ginikanan diin nahimo silang malampuson pagkab-ot sa Eagle Scout Medal nga gihatag sa BSP National Council pinaagi sa Court of Honor nga maoy nagtunol niini kanila atol sa Court of Honor Ceremony.

1stRank sa Scouting matud ni OIC Council Executive Mark Tenio ang pagkahimong Explorer, 2nd Rank ang Path Finder, 3rd Rank ang Outdoors’ Man, 4th Rank ang Venturer, ug pinakataas ang pagkahimong Eagle Scout nga ginahatagan sa BSP National sa ilang Eagle Scout Medal.

Sa Comval Province ang Court of Honor gilangkoban nila ni BSP Eastern Mindanao Region (EMR) Chair Gov. Jayvee Tyron Uy nga girepresentahan ni Assistant Provincial Administrator Placido Alcomendras Jr., ni Regional Field Scout Executive Dionefer B. Mangrobang, ni BSP Comval Council  Executive Board Adviser BM Vivencia Secuya, ni BSP Comval Council Treasurer Assistant PBO Chief Napoleon Montero, ni EMR Scout Dir. Arnel Delote, ug ni Council Scout Executive Mark Tenio.

Highest Rank sa Scouting ang mamahimong usa ka Eagle Scout matud ni APA Placido Alcomendras Jr. atol sa iyang paghatag sa mensahe ni Gov. Tyron Uy diin gihulagway niini matud pa niya ang pipila sa mga importanteng Leadership Qualities sa Eagle nga mao ang Powerful Vision, Fearless, Determined, High Flyer, og “Nurtured their Young”nga nagpasabot sa maayong pag-atiman ug paghatag og dakong importansiya sa iyang pamilya.(Gilbert M. Cabahug, PAO-ID Comval)

#OneComvalOneVision #YEStoDavaoDeOro

Related Post