Sa Comval: Dul-an 150 nagtapok sa “Provincial African Swine Forum”

Compostela Valley Province-Mugnaon ni Gov. Jayvee Tyron Uy sa moabot nga mga adlaw ang African Swine Fever Task Force (ASFTF) nga maoy iyang pagatahasan nga mangamot sa mga importanteng buluhaton aron mapugngan ang pagsulod sa Comval sa  African Swine Fever nga gikalisangan sa daghang mga kanasuran tungod sa grabeng kamatay sa mga baboy nga nahatag niini nga miresulta sa kalit nga pagkahagba sa ilang swine industry.

Ang bahin sa African Swine Fever maoy sentrong topiko sa usa ka adlawng “Provincial African Swine Forum” diha sa kapitolyo niadtong MIyerkules (Sept.25,2019) nga giapilan sa hapit 150 ka mga Backyard Swine Raisers, Commercial Swine Raisers, ug mga dagkong opisyal sa Municipal Agriculturist Office sa onse ka mga munisipyo.

Ang Fourm gisugdan sa Welcome Message ni Dr. Dannie Apelo sa PVO, ug human niini ang paghatag ni Provincial Veterinarians Office (PVO) Chief Dr.Rolando Simene sa Rationale sa kalihokan. Apan si Dr. karl Lawrence Pineda sa DA Regional Office XI maoy mihatag og Updates sa African Swine Fever sa Foreign Contries, sa Pilipinas, ug sa Region XI.

“Eat Local Pork” lang, ang unang tubag aron mapugngan ang pagsulod sa gikalisangang sakit. Dili puwede kaunon ang karneng baboy nga gikan sa gawas. Bisan Luto na, ug bisan ang mga delata kay ang african swine virus resistant kaayo sa grabeng init ug bisan sa grabeng tugnaw ug pabiling  buhi gihapon bisan sa Freezing Point. #OneComvalOneVision

 #YEStoDavaoDeOro (Gilbert M. Cabahug, PAO-ID Comval)

Related Post