Tribung Mandaya gikalipay ang eskwelahan nga gitukod sa Sitio Danaoan, Manurigao sa New Bataan

Compostela Valley Province—-Daw sa dili matukib ang gibating kalipay sa mga katawhan diha sa Purok Danoan Barangay Manurigao sa lungsod sa New Bataan kay naa nay eskwelahan ang ilang mga anak. Ug matud ni Barangay Kagawad Arturo Dagansan, maglisud pag-adto sa eskwelahan agi sa Malumagpak Falls panahon nga dunay ulan kay daling molalom ang tubig.

Usa ang Purok Danaoan sa mga Geographically Isolated and Depressed Areas (GIDAs) sa Comval Province nga gitukoran sad sa probinsiya og 1 Unit 2 Classroom Building, nga human ang hapit duha ka semanang Construction giturn-over dayon nila ni Gov. Tyron Uy ug Vice Gov. Maricar Zamora.

Nahitabo ang pagtunol sa eskwelahan niadtong Oktobre 13 ,2019 ug ilang nakauban sila 701st ID Commander BGen. Manuel V Sequitin, 10th ID Commander BGen. Jose C Faustino Jr.,  BM Raul Timogtimog, SGOD Chief Dr. Ruben Reponte, ug Mayor Gerald Ford Balbin nga nangulo sa malampusong Turn-over Ceremony.

Naa matud ni Engr. Alexander Asero sa 55 ka kilometro ang biyahe gikan sa sentro sa New Bataan paingon sa Purok Danaoan Manurigao. 46 Km. ang latason gikan sa sentro sa New Bataan paingon sa Manurigao, ug dugang 9 ka kilometro sad ang latason gikan sentro Manurigao paingon sa Purok Danaoan.

Panahon nga siya Board Member pa si Gov. Tyron Uy naghimo sa iyang unang exploratory visit sa Brgy. Manurigao niadtong Hulyo 14-16,2015 diin iyang gihulagway base sa gihimo niyang pagbisita nga kini naa sa pusod nga bahin sa usa ka forest area sa New Bataan ug nagpuyo niini ang kapin kon kulang 1,700 ka mga individual nga lun-lon Tribung Mandaya ug pipila lang sa mga magtutudlo nga nakasagol ang dili IP.

Sulti sad niya nga tungod sa madanihong katahom sa Malumagpak Falls ug sa bulawanong kasingkasing sa Tribung Mandaya nga usa sa pinakaabuotan ug very hospitable nga Tribu sa Comval Province, sa dili madugay mamahimo gyod nga usa sa mga  nag-unang “Tourist Destination Sites” sa probinsiya ug bisan sa nasud ang Brgy. Manurigao sa New Bataan. (Gilbert M. Cabahug, PAO-ID Comval)

Related Post