1ST GOV DOT INTER-MUNICIPALITY FIRE OLYMPICS

Nagmalampuson ang gipahitabong pinakaunang Fire Olympics sa probinsya kaniadtong Marso 30, 2023, diin gipartisiparan sa tanang Local rescue responders ug volunteers isip parte sa selebrasyon sa Fire Prevention Month.

Nakigtigi ang mga partisipante sa managlahing kompetisyon sama sa hose throwing, hose relay, fire extinguishment, rope rescue, bucket relay, ug hit the target.

Gipasiugda ni Governor Dorothy Montejo-Gonzaga ang kamahinungdanon sa maong aktibidad tungod kay mas mahasa ug maipakita niini ang abilidad sa disaster response lakip na nga natala sa weather forecast ang pag taas sa panahon sa tag-init diin posibleng hinungdan sa mga sunog.

Dako usab ang pagpasalamat ni BFP Acting Provincial Fire Marshal, CINSP Donald R Concepcion sa hugot nga pagsuporta ni Governor Gonzaga, sa mga partisipante ug mga personahe sa BFP-DdO sa ilang kakugi ug dedikasyon gikan sa preparasyon hantod sa nahuman ang maong aktibidad.

Ang mga musunod mao ang gideklarang mananaog sa kompetisyon;
📌 Overall Champion – LGU Maco
📌 1st Placer – LGU Mawab
📌 2nd placer – LGU Maragusan
📌 3rd placer – LGU Compostela
📌 Best in Uniform – LGU Mabini
📌 Most Discipline Municipality – LGU New Bataan

Ming tambong usab sa maong aktibidad si BFP Regional Director, SSUPT Richard V Arbutante nga girepresentahan ni SUPT Conrado M Blamores Jr, BFP Regional Chief of Staff, BFP XI Acting Chief Operations Division, SINSP Esequil M Tabon, ug mga Municipal Fire Marshal. (Photos by R. Naval and BFP-DdO)