Barangay Functionaries sa DdO, nakadawat sa ilang honorarium

Ang mga barangay functionaries sa atong probinsya usa sa mga nahimong importanteng kaalyado sa atong panggobyerno alang sa paghatud sa matarung ug angay nga serbisyo sa katawhan.

Sugod niadtong Disyembre 20, 2023, gihatagan og pagtagad sa panggamhanang probinsyal ang mga Barangay Agricultural Extension Workers (BAEW), Brgy. Health Workers (BHW), Brgy. Nutrition Scholars (BNS), Day Care Workers (DCW), Social Welfare and Development Auxiliary (SWADA), Members of Lupong Tagapamayapa, Kasangga ng Kapayapaan sa Probinsya (KKP), Brgy. Official sa Special Brgys sa Mabini and Laak, ug Brgy. Tanod, niining probinsya pinaagi sa paghatag sa honorarium nga angay kanila.

Ang kinatibuk-ang eskedyul sa release mao ang musunod: a) Compostela, New Bataan, Montevista ug Monkayo (Disyembre 20); b) Maco (Masaralines, Easternlines, Shorelines), Mabini (Masaralines), ug Pantukan (Disyembre 21); c) Maragusan ug Pantukan (Tagugpo, Las Arenas, Araibo), Mawab ug Nabunturan (Disyembre 22); ug d) Laak (Disyembre 23).

Ang pag-release sa ilang honorarium gitambungan ni Governor Dorothy Montejo-Gonzaga kauban si 2nd District Congressman Ruwel Peter Gonzaga ug uban pang opisyales sa probinsya. (Photos by J. Cadiz)